美味餃子店 (已結業)

相信美味餃子好多人都食過，唔使特別介紹，今次黎左試長沙灣的分店。嗌咗煎韭菜肉餃，白菜肉餃，再加招牌野葛菜生魚豬骨湯，兩份餃子都係細分，各有七隻。先講白菜餃，最鍾意係每隻餃子都好大粒，而且材料十足，非常飽肚，而且餃子皮唔會太厚，令到材料同餃子嘅比例非常完美。煎韭菜餃就食落好香口，煎完韭菜同肉汁都冇流失到，每隻餃子嘅鮮味都保留着。至於招牌野葛菜生魚豬骨湯，味道非常之鮮甜，飲得出嗰種鮮魚味，絕對可以清熱下火，啱晒平時食好多熱氣野同埋食完煎餃飲嘅，個人係非常推介的！！！呢間餃子店真係好得啊，一定會再嚟！