家賀屋

銅鑼灣嘅呢間樓上日本菜餐廳，環境坐得闊落，而且有幾個包廂嘅間隔🛋️，兼顧到私隱度。呢度無論服務，定係嘢食質素，都對得住價錢👍🏻。.🍻生啤+華美鳥拼盤($138)套餐裏面包咗兩杯麒麟一番榨生啤，而且仲要係大大杯嘅500ml杯😍！送酒嘅小食就有日式雞料理。煙燻生華美雞味道鹹香又好重煙燻香味♨️。慢煮雞腎肉超級爽脆，保留住粉紅色嘅肉質💕。烤半熟雞肝生熟到啱啱好，裏面粉嫩又有濃郁嘅內臟香味🤤。.🍣大名壽司定食($298)套餐裏面仲包括湯品、沙律、唐揚嫩雞🍱。幾款壽司嘅魚生用料都好好，味道鮮甜又有油香，口感嫩滑👅。.🎏姬路刺身定食($280)定食裏面仲包括咗自選嘅主食，我哋揀咗烏冬🍜。另外仲湯品、胡蔴田園沙律、日式燉蛋。可以同時間享受到高質嘅刺身，亦都有豐富嘅菜式，食完滿足又飽飽😝。