影片
更多
2019-02-21
124 瀏覽
之前喺網上見到何文田有呢間steakhouse好吸引 今日終於嚟咗試一試 雖然menu選擇唔算太多 但店員態度好誠懇 會逐個item介紹俾我地 等我地可以了解晒每款主菜再揀啱我地嘅選擇👍🏻最吸引我地嘅係呢間餐廳嘅薯條係任食嘅🍟 食落口好香脆 雖然唔太熱 但都夠晒脆口 唔知點解有少少松露嘅味道😂 食完店員會主動問要唔要再加薯條我地嗌咗兩份扒再加做套餐 有藜麥沙律同南瓜忌廉湯 沙律好健康 新鮮嘅蔬菜配埋醋 吞拿魚同甜薯 好開胃醒神🥗 南瓜忌廉湯真材實料 啖啖都有豐富嘅南瓜蓉 口感好滑🎃客席主廚平鐵牛扒 店員話廚師首先會煎香咗牛扒嘅四邊 再放入紅酒度慢煮 咁餐廳就set定咗呢塊扒係medium 啱晒我女朋友 因為佢怕啲牛會生得濟 呢個半生熟對佢嚟講幾好 因為整得幾林身 個牛肉味重 外層有少少甜味😋 美國390日谷飼Prime級平鐵牛扒油份較重 鮮嫩多汁 餐廳建議生熟度嗌medium rare 炭燒味幾重 食落仲有好多肉汁 食落好又唔會太生🐮Really dirty lemonade 店員介紹係用新鮮檸檬加糖去燒 冇落檸檬酸嘅 咁我地就嗌咗有酒精嘅 飲落口好fresh 唔會太甜🍋 特別一提 餐
之前喺網上見到何文田有呢間steakhouse好吸引 今日終於嚟咗試一試 雖然menu選擇唔算太多 但店員態度好誠懇 會逐個item介紹俾我地 等我地可以了解晒每款主菜再揀啱我地嘅選擇👍🏻
最吸引我地嘅係呢間餐廳嘅薯條係任食嘅🍟 食落口好香脆 雖然唔太熱 但都夠晒脆口 唔知點解有少少松露嘅味道😂 食完店員會主動問要唔要再加薯條
我地嗌咗兩份扒再加做套餐 有藜麥沙律同南瓜忌廉湯 沙律好健康 新鮮嘅蔬菜配埋醋 吞拿魚同甜薯 好開胃醒神🥗 南瓜忌廉湯真材實料 啖啖都有豐富嘅南瓜蓉 口感好滑🎃
客席主廚平鐵牛扒 店員話廚師首先會煎香咗牛扒嘅四邊 再放入紅酒度慢煮 咁餐廳就set定咗呢塊扒係medium 啱晒我女朋友 因為佢怕啲牛會生得濟 呢個半生熟對佢嚟講幾好 因為整得幾林身 個牛肉味重 外層有少少甜味😋
美國390日谷飼Prime級平鐵牛扒油份較重 鮮嫩多汁 餐廳建議生熟度嗌medium rare 炭燒味幾重 食落仲有好多肉汁 食落好又唔會太生🐮
Really dirty lemonade 店員介紹係用新鮮檸檬加糖去燒 冇落檸檬酸嘅 咁我地就嗌咗有酒精嘅 飲落口好fresh 唔會太甜🍋 特別一提 餐廳用紙飲管 幾環保
呢間有質素嘅扒房值得再試🍴
張貼
