萬麗咖啡室

營業中

休息中

Item: 萬麗咖啡室
Rating: 5
Author: 蜜蜂小王子

Cafe Renaissance

614 食評

味道

環境

服務

衛生

抵食

44555

灣仔

$401-800

多國菜自助餐酒店餐廳

368

蜜蜂小王子

等級4

123

好耐冇黎Café Renaissance食自助餐，由於上年疫情嚴重，經常禁晚市，只能買外賣。最近終於恢復晚市，透過Open Rice 訂位有八折優惠。Café Renaissance雖然無海景，而且樓底唔高，但係座位之間都好闊落，乾淨企理，服務態度非常好，有禮貌丶親切，好主動收碟。如果想望住海景享受美食，就要上去3樓的「滿福樓」或者大堂的「Mirage Bar & Restaurant 」，迎合不同客人的需要。萬麗咖啡室自助餐食物款式唔算好多，但係自助餐必食嘅食物都應有盡有，例如有法國生蠔，好新鮮，即叫即開，有淡淡海水味。仲有每人限攞一隻的波士頓龍蝦，波士頓龍蝦係以原隻蒸的方法去煮，將龍蝦的鮮味鎖住，出面其他酒店嘅自助餐大多數都係凍食，我個人認為熱食嘅龍蝦比較好味。為免浪費食物，酒店改左制度，職員會每人派發一張龍蝦換領卡，我相信係以往太多人淨係食龍蝦肉，懶得拆龍蝦鉗黎食，純粹個人推測。其實酒店已經細心地預先處理好，方便客人拆開。仲有長腳蟹丶青口等等，甜品方面有好多款精緻蛋糕丶仲有心太軟，心太軟可以即時加球雲呢拿雪糕。杯裝雪糕係用Häagen-Dazs ，仲有兩款新口味，朱古力蛋糕咖啡雪

好耐冇黎Café Renaissance食自助餐，由於上年疫情嚴重，經常禁晚市，只能買外賣。最近終於恢復晚市，透過Open Rice 訂位有八折優惠。
Café Renaissance雖然無海景，而且樓底唔高，但係座位之間都好闊落，乾淨企理，服務態度非常好，有禮貌丶親切，好主動收碟。如果想望住海景享受美食，就要上去3樓的「滿福樓」或者大堂的「Mirage Bar & Restaurant 」，迎合不同客人的需要。
萬麗咖啡室自助餐食物款式唔算好多，但係自助餐必食嘅食物都應有盡有，例如有法國生蠔，好新鮮，即叫即開，有淡淡海水味。仲有每人限攞一隻的波士頓龍蝦，波士頓龍蝦係以原隻蒸的方法去煮，將龍蝦的鮮味鎖住，出面其他酒店嘅自助餐大多數都係凍食，我個人認為熱食嘅龍蝦比較好味。為免浪費食物，酒店改左制度，職員會每人派發一張龍蝦換領卡，我相信係以往太多人淨係食龍蝦肉，懶得拆龍蝦鉗黎食，純粹個人推測。其實酒店已經細心地預先處理好，方便客人拆開。仲有長腳蟹丶青口等等，甜品方面有好多款精緻蛋糕丶仲有心太軟，心太軟可以即時加球雲呢拿雪糕。杯裝雪糕係用Häagen-Dazs ，仲有兩款新口味，朱古力蛋糕咖啡雪糕丶檸檬柑橘雪糕，仲有其他普通味道選擇。當晚食得好滿足，期待下次再去。特別鳴謝SUE細心嘅服務。