下站帖 (已結業)

行行下街好頸渴， 而家興飲台式飲料， 路經尖沙咀見到呢間舖， 見到裝修幾特別幾時髦， 就決定買番杯飲下。望下個menu ， 發覺都好多選擇， 除咗正路嘅珍珠奶茶， 同埋而家大熱嘅 黑糖珍珠鮮奶之外， 重有水果茶等等。 而今次我就是咗佢top2嘅 日出蜜香紅奶蓋。杯飲品大概等咗五分鐘先製作出嚟， 鋪頭仲有一個corner位 係畀顧客用嚟打卡用嘅。 喺呢個佈置同光源底下影出嚟嘅飲品真係幾美觀。你杯嘢飲表面鋪上一層奶蓋， 同底下嘅蜜香茶溝得十分匹配。 成杯嘢濃旭得嚟又帶點清新， 每一啖入口都有想繼續飲落去嘅感覺。 杯嘢嘅份量大概700 cc左右， 售價35蚊， 個人覺得價錢正路 ，係一分錢一分貨嘅。