板神鉄板燒日本料理 (The Hennessy) (已結業)

最近同朋友去左灣仔板神食鐵板燒，第一次去對餐廳期望好高，因為食客人數吾少，應該有所保證。前菜：青瓜上有麵豉醬，食落咸咸的又有爽口既青瓜。水泓味道酸酸地作為開胃菜。高糖蕃茄帶少少鹽。季節沙律：酸酸地幾開胃。刺身三款：分別是深海池魚、油甘魚、赤身，三者魚鮮味同樣地突出。南非鮑魚：鮑魚size大小適中，估吾到口感系甘彈牙，完全吾硬口，易於咀嚼。同時味道又好鮮味，值得一讚！白鱈魚：口感好滑既魚！燒後魚仲系keep到好juicy，滲出吾少肉汁啊。大蝦：作為蝦控一定要食既大蝦，蝦口感一致地彈牙又實肉，完全吾系死蝦，鮮味足夠！A5和牛薄燒：和牛燒後滲出吾少牛脂出黎，用麵包吸下油份，令食客吾會太膩口。師傅將大量蔥及蒜片夾埋一齊食，味道更加香口！炒飯：炒飯做到粒粒分明，而且吾會太乾身，味道好香口。入面有肉碎、香蔥、椒粒，賣相也加足分！湯、漬物：湯咸咸地。甜品：抹茶蛋糕仔好鬆化，麵包多士上面既糖好脆口又岩甜。