影片
更多
2021-11-18
89 瀏覽
最喜歡去搵小店食，呢間西餐廳係Donki附近，裝潢好特別，座位唔算多，但坐得好舒服，座位另一邊有個供小朋友嬉戲嘅地方，原來成間餐廳都係來自一家人經營，餐廳老闆負責煮野食，老闆大兒子仲會幫忙招呼客人，爺爺嫲嫲幫忙照顧小兒子，感覺好溫馨。🔸Dinner set for 2 $388▪️小食炸帶子，細細粒，賣相平平無奇，但食落好香口，外皮勁香脆，入面粒帶子好彈牙，好好味唔夠喉！▪️是日餐湯希臘魚湯，用左檸檬、香草、初榨橄欖油製成，所以飲落覺得好清甜，好多魚肉係入面好足料，而且完全飲唔到有魚腥味，好味～▪️手切粗薯條🍟每條薯條都係人手切，好有驚喜，食落脆口之餘仲帶點煙燻味，非常好味！老闆話佢地細心挑選左美國薯仔，澱粉質含量最高，同埋薯味最出，而做法亦相當唔簡單，薯仔先去皮、切片、蒸熟、風乾，先再拎去炸，最後係外層灑上紅椒粉，真係好有誠意！▪️自家製肉醬意粉🍝有別於一般肉醬意粉，佢哋肉醬係自家製，肉碎係一團團，口感好特別，而意粉煮到剛好，保持應有口感，仲好掛汁，蕃茄醬汁好香濃。▪️日本空運甘雕🇯🇵🐟來自日本嘅甘雕魚，賣相好精緻，面頭鋪左木魚絲，感覺更日式！而甘雕魚肉質好嫩好鮮甜，魚皮經高溫烹煮後變到好脆口
🔸Dinner set for 2 $388
▪️小食
炸帶子，細細粒，賣相平平無奇，但食落好香口，外皮勁香脆，入面粒帶子好彈牙，好好味唔夠喉！
▪️是日餐湯
希臘魚湯，用左檸檬、香草、初榨橄欖油製成，所以飲落覺得好清甜，好多魚肉係入面好足料，而且完全飲唔到有魚腥味，好味～
▪️手切粗薯條🍟
每條薯條都係人手切，好有驚喜，食落脆口之餘仲帶點煙燻味，非常好味！老闆話佢地細心挑選左美國薯仔，澱粉質含量最高，同埋薯味最出，而做法亦相當唔簡單，薯仔先去皮、切片、蒸熟、風乾，先再拎去炸，最後係外層灑上紅椒粉，真係好有誠意！
▪️自家製肉醬意粉🍝
有別於一般肉醬意粉，佢哋肉醬係自家製，肉碎係一團團，口感好特別，而意粉煮到剛好，保持應有口感，仲好掛汁，蕃茄醬汁好香濃。
▪️日本空運甘雕🇯🇵🐟
來自日本嘅甘雕魚，賣相好精緻，面頭鋪左木魚絲，感覺更日式！而甘雕魚肉質好嫩好鮮甜，魚皮經高溫烹煮後變到好脆口，真係好驚喜！周邊有炸到好香脆嘅羽衣甘藍包住，底下有昆布清湯，點埋一齊食更覺清甜。
▪️Mango Lessie
好濃郁，芒果味香
▪️Berry Yogurt
同樣好濃郁，啖啖都飲到野莓肉，非常足料
整體感覺，無論係餐廳環境定係食物質素都十分出色！每道菜上菜時老闆都親自出嚟介紹，真係好有誠意，完全感受到佢對煮食嘅熱情，係真心喜歡先會咁用心做，一定會回頭再食👍🏻
張貼
