影片
更多
2021-04-21
1270 瀏覽
有日突然間好想食吉列豬扒，所以收工之後就搵咗朋友一齊去食想試咗好耐嘅Porker。餐廳門口都幾隱蔽，要行落一條窄窄嘅樓梯。雖然係閒日嘅晚市，但可能餐廳唔係太多位，所以都要係門口等咗大概20－30分鐘。不過樓梯位冷氣唔多夠，我同朋友都等到有少少滴汗。好在等到差唔多嘅時候，侍應都好醒目俾我地落單先，費事坐低仲要等。我地先叫咗個車厘茄漬物，凍冰冰嘅都幾透心涼，而且係剝咗皮嘅，幾有誠意，不過入口略嫌有少少太酸。豬扒就揀咗肉眼定食，望落金黃色而且份量不少，賣相都幾吸引。咬落係十分鬆脆，肉質juicy得嚟仲幾有肉香，就咁加少少檸檬汁食都已經好好味。特別一提係佢個薯仔沙律都不錯，幾滑。同埋椰菜絲食落有驚喜，係加咗少少紫蘇葉，有陣清香嘅感覺，好加分！總括嚟講味道方面就好滿意，如果下次唔使等咁耐位會更加好！
餐廳門口都幾隱蔽，要行落一條窄窄嘅樓梯。雖然係閒日嘅晚市，但可能餐廳唔係太多位，所以都要係門口等咗大概20－30分鐘。不過樓梯位冷氣唔多夠，我同朋友都等到有少少滴汗。好在等到差唔多嘅時候，侍應都好醒目俾我地落單先，費事坐低仲要等。
我地先叫咗個車厘茄漬物，凍冰冰嘅都幾透心涼，而且係剝咗皮嘅，幾有誠意，不過入口略嫌有少少太酸。
車厘茄漬物
$40
17 瀏覽
0 讚好
0 留言
豬扒就揀咗肉眼定食，望落金黃色而且份量不少，賣相都幾吸引。咬落係十分鬆脆，肉質juicy得嚟仲幾有肉香，就咁加少少檸檬汁食都已經好好味。特別一提係佢個薯仔沙律都不錯，幾滑。同埋椰菜絲食落有驚喜，係加咗少少紫蘇葉，有陣清香嘅感覺，好加分！
吉列熟成豚肉眼定食
$195
29 瀏覽
0 讚好
0 留言
總括嚟講味道方面就好滿意，如果下次唔使等咁耐位會更加好！
張貼
