影片
更多
2021-05-12
1645 瀏覽
呀媽成日都話想食點心放題🥢，於是我就上網搵下邊間好。我見到銅鑼灣希慎廣場嘅「名館」搬咗新舖啵(轉咗樓層)，佢又正好有做點心任食，咁就啱哂啦😛。我驚週末去會好多人，所以攞咗假閒日去食當放鬆下，誰不知星期四嘅下午，餐廳都多人到一個點！我哋兩點幾坐到去四點，期間一直座無虛席👏。不過都明嘅，皆因放題以外嘅下午茶餐好似都幾抵食。可供任食嘅點心同小食款式多達四十款‼️，種類涵蓋傳統同新派點心、涼拌小食、粉飯麵，以至甜品，我哋好努力都食唔匀哂咁多款，哈哈。餐廳會提供熱茶，如果要其他飲品就可以用半價加配。餐廳嘅上菜速度快，而且亦無出現漏單嘅情況，食任食最緊要係呢樣嘛😉。再者，大部份食物嘅份量都控制得宜，逐件計算，份量少就可以食多幾款。蒜蓉粉絲蒸扇貝，新張期內每位惠顧點心放題嘅客人都獲贈一隻扇貝🐚。扇貝好大隻，用上蒜蓉粒蒸非常香口，就連粉絲都好入味，如果可以任食就好喇。名館筍尖蝦餃皇，🦐蝦餃作為點心之首，當然要一人嗌一隻。蝦餃唔係特大嗰種，不過都好食，因為餃皮厚薄適中，內裡嘅鮮蝦爽口彈牙。鮮肉一口小籠包、野菌竹笙餃以及蟹籽燒賣王，小籠包唔錯，皮薄，汁多，肉鮮🥟。野菌餃好大隻，餃皮晶瑩通透，口感煙韌，餡料則
呀媽成日都話想食點心放題🥢，於是我就上網搵下邊間好。我見到銅鑼灣希慎廣場嘅「名館」搬咗新舖啵(轉咗樓層)，佢又正好有做點心任食，咁就啱哂啦😛。
我驚週末去會好多人，所以攞咗假閒日去食當放鬆下，誰不知星期四嘅下午，餐廳都多人到一個點！我哋兩點幾坐到去四點，期間一直座無虛席👏。不過都明嘅，皆因放題以外嘅下午茶餐好似都幾抵食。
可供任食嘅點心同小食款式多達四十款‼️，種類涵蓋傳統同新派點心、涼拌小食、粉飯麵，以至甜品，我哋好努力都食唔匀哂咁多款，哈哈。餐廳會提供熱茶，如果要其他飲品就可以用半價加配。
餐廳嘅上菜速度快，而且亦無出現漏單嘅情況，食任食最緊要係呢樣嘛😉。再者，大部份食物嘅份量都控制得宜，逐件計算，份量少就可以食多幾款。
蒜蓉粉絲蒸扇貝
36 瀏覽
0 讚好
0 留言
名館筍尖蝦餃皇
21 瀏覽
2 讚好
0 留言
鮮肉一口小籠包、野菌竹笙餃以及蟹籽燒賣王，小籠包唔錯，皮薄，汁多，肉鮮🥟。野菌餃好大隻，餃皮晶瑩通透，口感煙韌，餡料則好豐富，有好多雜菜同雜菌粒🍄。燒賣反而一般，豬肉餡佔多，口感比較粉。
紫金醬蒸鳳爪
27 瀏覽
0 讚好
0 留言
櫻花蝦橋底混醬豬腸粉，豬腸粉係異常地大碟，有大約十嚿，完全係會塞飽個肚。味道亦無乜特別，因為就係平日嘅三色混醬，而菜名所述嘅櫻花蝦就失咗蹤🙈。
大良鮮奶一口酥
35 瀏覽
0 讚好
0 留言
宮廷妃子笑
41 瀏覽
0 讚好
0 留言
銀湖天鵝酥，🦢呢款點心打卡一流，天鵝造型好得意，而佢實際係酥餅嚟。酥皮好有層次，入面應該係紫薯蓉，口感厚實。
咖哩蒙古羊肉餅，呢個點心幾有印度風味。🥘咖哩汁意外地幾辣，而薄餅薄得嚟原來係夾咗啲羊肉，但由於偏薄嘅關係，質感略嫌有啲硬。
紅菜頭煎鍋貼，本身無諗住食餃子，但見佢係紅菜頭，就一於試下。估唔到餃子嘅造型咁吸睛，餃皮加入咗紅菜頭製成，所以呈紫紅色💖。味道食落就係正常嘅餃子，但都煎得幾香口。
七彩鬆化蛋散
21 瀏覽
0 讚好
0 留言
酥皮菠蘿餐包
15 瀏覽
0 讚好
0 留言
鎮江水晶餚肉
19 瀏覽
0 讚好
0 留言
海南雞泡米線，好掙扎嗌唔嗌麵食好🍜，因為驚會好大碗，但大家可以放心，米線份量大約係五啖就食得哂。米線湯底清淡唔油膩，麵質唔會太淋，海南雞肉身偏深色，但肉質都算滑。
腐竹鵪鶉蛋糖水
13 瀏覽
0 讚好
0 留言
總括嚟講，名館嘅點心放題好高質，款式多之外，仲要大部份都好食😋，造型又精緻。收費方面，星期一至五每位成人承惠$148，另加$8茶錢同加一，即係約$170。價錢唔算好抵，但我認為絕對係對得住個價錢，係有水準嘅心點🌟！
張貼
