影片
更多
2024-07-16
299 瀏覽
今晚食對我地黎講比較冷門的印度菜，主要係老公既印藉同事大力推介依間起源於1972年，歷史悠久嘅印度菜，老公話想試吓。餐廳走高級印度菜路線，裝修好靚，環境舒適，仲有結他手現場演奏充滿印度特色嘅音樂。坐低之後侍應就送上薄脆小食，然後我哋點咗幾款小食同埋三款主菜，好豐富。Avocado Mango Dahi Poori (4pcs) $68牛油果芒果伴脆麵餅呢個係傳統印度菜改良嘅，雖然係前菜仍有d甜品feel。牛油果同芒果加上啲乳酪裝咗喺超脆嘅米餅杯仔入面，凍凍地，食落感覺好fresh，幾特別。Taco Time (2pcs） $88印度夾餅（芝士餡料）外觀同一般墨西哥taco冇咩分別，不過係印度嘅味道，印度嘅香料加上水牛芝士粒，味道濃厚。Arabi salad阿拉伯沙律$98有水牛芝士、青瓜粒、紅蘿蔔粒，生洋蔥粒同埋橄欖粒，加咗啲黑椒，食落味道咸咸地，幾唔錯，d配料好新鮮。Lamb Seekh Kebab 串燒羊肉卷 （2 pcs) $98羊肉攪爛造成一條腸，羊肉味慢慢湧出來，用料足，燒得香，唔會燶，好味道。Fish Tikka 炭燒鮫魚 （2 pcs) $98同樣燒得香，外脆內嫩，內面
坐低之後侍應就送上薄脆小食，然後我哋點咗幾款小食同埋三款主菜，好豐富。
Avocado Mango Dahi Poori (4pcs) $68
牛油果芒果伴脆麵餅
呢個係傳統印度菜改良嘅，雖然係前菜仍有d甜品feel。牛油果同芒果加上啲乳酪裝咗喺超脆嘅米餅杯仔入面，凍凍地，食落感覺好fresh，幾特別。
Taco Time (2pcs） $88
印度夾餅（芝士餡料）
外觀同一般墨西哥taco冇咩分別，不過係印度嘅味道，印度嘅香料加上水牛芝士粒，味道濃厚。
Arabi salad阿拉伯沙律$98
有水牛芝士、青瓜粒、紅蘿蔔粒，生洋蔥粒同埋橄欖粒，加咗啲黑椒，食落味道咸咸地，幾唔錯，d配料好新鮮。
Lamb Seekh Kebab 串燒羊肉卷 （2 pcs) $98
羊肉攪爛造成一條腸，羊肉味慢慢湧出來，用料足，燒得香，唔會燶，好味道。
Fish Tikka 炭燒鮫魚 （2 pcs) $98
同樣燒得香，外脆內嫩，內面肉質紮實而嫩滑，加d檸汁，d鮮味出哂黎。
Kadai Jheenga 鑊仔洋蔥紅茄燴鮮蝦$188
本身以為佢唔辣，點知原來係辣既，而且比我哋叫的兩款咖喱更辣，不過個醬辣得好香，充滿蕃茄味，加上好多青椒，西芹洋蔥等等，個醬好香，點烤餅食唔錯。蝦新鮮，好有蝦味。
Bengali Fish Curry 椰香芥末咖喱魚$178
椰汁好香，唔會太辣，用嚟送烤餅係另一款味道，魚肉好滑，份量唔少。
Truffle Butter Chicken 松露奶油咖喱雞$228
最後食係呢個，個咖喱好香滑，松露令個咖喱更多層次，咖喱雞又滑又嫩，啲咖喱汁超邪惡，用黎蘸烤餅超好味。
Naan 烤餅$45
外脆內軟，食咖喱一定要嘅配搭。
Garlic Naan 蒜茸烤餅$48
呢款比原味嘅較為油膩，但多了蒜香，同樣外脆內軟。
Mango Lassi $78
呢杯印度飲品名物一定要嗌，好香滑，芒果味好真實，唔會假。
張貼
