女鍋 @Freshlane

營業中

休息中

同事介紹呢間中菜外賣店，撳幾個掣就有靚餸食，見價錢唔貴啲款又幾吸引，就叫咗幾份小菜試吓。香煎蓮藕釀蝦米鯪魚肉餅 $48煎得好香口，蓮藕爽脆，鯪魚肉質彈牙；蓮藕本身都幾甜，加埋蝦米嘅鹹香，無論口感定味道都非常豐富。七彩腐皮卷 $28外層炸得夠香脆，拎到返屋企都冇變腍，入面有粉絲、冬菇、雲耳等材料，清新爽口。南乳花生炆豬手 $68南乳鹹中帶甜，有陣陣酒香，豬手炆得軟腍入味，連啲花生都好好食，送飯一流。柱侯蘿蔔炆牛腩邊 $68一打開就好香柱侯味，蘿蔔冇渣唔苦，又腍又多汁；牛腩邊份量相當多，肥瘦適中，好重牛味。