影片
更多
6天前
0 瀏覽
又到咗令人期待嘅大閘蟹季節，最近留意到北角香港維港凱悅尚萃酒店嘅The Farmhouse，今次聯乘米芝蓮餐廳「湖濱28中餐廳」，推出咗以「味遊·杭州」為題嘅自助晚餐。每位客人仲可以享用一隻鎮江薑醋蒸大閘蟹，作為重頭戲，梗係要試啦！其實呢間餐廳我之前都嚟過幾次，環境相當闊落，裝潢簡約時尚。如果有幸坐喺窗邊位，仲可以一邊對住海景一邊享受美食，氣氛絕對加分。今次主打杭州菜系列，作為自助餐形式，菜色選擇相當豐富，但始終食得有限，所以我集中試咗啲有主題特色嘅菜式，分享下幾款令人印象深刻嘅推介！-鎮江薑醋蒸大閘蟹作為大閘蟹季節嘅明星菜式，呢隻鎮江薑醋蒸大閘蟹份量十足，蟹肉鮮甜，蟹膏更係細膩綿滑，入口即化，完美展現大閘蟹嘅極致鮮味。搭配鎮江薑醋，既能提鮮又帶出層次感，絕對值得一試！-二十年花雕酒蒸遠海梭子蟹意料之外嘅驚喜！呢道菜擺喺角落頭，外表睇落平凡，但其實係全場嘅隱藏之星。梭子蟹一上枱已經散發濃郁嘅花雕酒香，入口蟹肉鮮甜細膩，酒香與鮮味完美結合，酒味調得恰到好處，完全冇蓋過蟹嘅原味，反而加強咗整體層次。蟹肉份量亦唔少，呢道菜絕對係我嘅最愛！-辣椒炒肉呢道菜辣味適中，對於平時喺譚仔只食到3小辣嘅
其實呢間餐廳我之前都嚟過幾次，環境相當闊落，裝潢簡約時尚。如果有幸坐喺窗邊位，仲可以一邊對住海景一邊享受美食，氣氛絕對加分。
今次主打杭州菜系列，作為自助餐形式，菜色選擇相當豐富，但始終食得有限，所以我集中試咗啲有主題特色嘅菜式，分享下幾款令人印象深刻嘅推介！
-鎮江薑醋蒸大閘蟹
作為大閘蟹季節嘅明星菜式，呢隻鎮江薑醋蒸大閘蟹份量十足，蟹肉鮮甜，蟹膏更係細膩綿滑，入口即化，完美展現大閘蟹嘅極致鮮味。搭配鎮江薑醋，既能提鮮又帶出層次感，絕對值得一試！
-二十年花雕酒蒸遠海梭子蟹
意料之外嘅驚喜！呢道菜擺喺角落頭，外表睇落平凡，但其實係全場嘅隱藏之星。梭子蟹一上枱已經散發濃郁嘅花雕酒香，入口蟹肉鮮甜細膩，酒香與鮮味完美結合，酒味調得恰到好處，完全冇蓋過蟹嘅原味，反而加強咗整體層次。蟹肉份量亦唔少，呢道菜絕對係我嘅最愛！
-辣椒炒肉
呢道菜辣味適中，對於平時喺譚仔只食到3小辣嘅我嚟講，辣度剛剛好，唔會搶走炒肉嘅香味。炒肉嫩滑，帶少少椒香，係一道簡單但令人滿意嘅菜式。
-龍井蝦仁
龍井蝦仁係杭州菜嘅經典代表之一，呢度嘅表現絕對稱職。蝦肉鮮嫩彈牙，茶香細膩清新，與蝦嘅鮮味融合得恰到好處，口感與味道都非常出色！
-東坡肉
東坡肉係杭州菜中唔可或缺嘅經典。呢度嘅東坡肉煮得非常入味，肥瘦分佈均勻，肉質軟嫩，入口即化，醬汁濃郁香甜但唔會過膩，令人一試難忘。
甜品&特式雪糕
甜品區亦係值得一讚，有多款特色甜品，仲有市面比較少見嘅雪糕口味，例如班蘭味雪糕，味道清新獨特，未試過嘅朋友一定要趁機會一試！
鎮江薑醋蒸大閘蟹
0 瀏覽
0 讚好
0 留言
張貼
