月．火鳳燒鳥 (已結業)

前幾日同男朋友興祝，經同事介紹揀左黎依到食好野。入到黎見位唔算多，開頭以為平日日子所以唔多人食，點知之後發現樓上原來都有好多住位，而且係榻榻米方式，一早坐滿哂講番食物方面，依到主打新鮮食材，每日都有新鮮魚由日本空運到港，所以愛食魚的話就要一早黎黎前菜叫左個青瓜，有小小麻油同酸味，雖然簡單但好岩做開胃小食嚟到居酒屋，點可以唔少得食刺身，依個刺身拼盤夠晒新鮮，尤其是有我最愛嘅凡立貝，食落啖啖肉，份量都唔少櫻花蝦炸豆腐必要之選，平時食開嘅豆腐都好厚皮，但依個就用櫻花蝦包住，食落口感好得意而且又唔油膩味增煮牛舌，好濃牛味，每舊都有厚度一啲都唔孤寒，肉質夠腍，必叫除咗新鮮食材之外，依度有好多唔同類型嘅串燒，如果坐喺地下果層，就可以一路望住師傅細心烹調。甜品以黑糖水信玄餅為做總結，岩哂鍾意食甜野嘅我，食完好滿足，令人回味整體來講，依到已裝修格局好岩約埋三五知己，慢慢傾下計同品嚐日式美食。食物質素又夠哂好，服務員又會不時幫手加茶，值得加分