川粤時空時尚小廚

營業中

休息中

今日同男朋友食飯，喺觀塘一間叫《川粤時空時尚小廚》，餐廳係食川菜和悅菜為主，選擇非常多，每款菜式都好靚，味道非常好。麻辣夫妻肺片⭐️⭐️⭐️⭐️⭐️呢份夫妻肺片，夠晒麻辣，啱晒我哋兩個鍾意食麻辣嘅人，最鍾意食牛肚，煙靱又彈牙，咬落去好有口感！麻辣牛肉⭐️⭐️⭐️⭐️⭐️呢份麻辣牛肉仲正，牛肉用上大量亁辣椒🌶️一起乾炒，非常惹味，每片牛肉都被辣椒乾的香氣包圍着，一啖送一啖飯一陣間就食晒全部。涼拌皮蛋⭐️⭐️⭐️⭐️呢份皮蛋係用金黃色皮蛋製成嘅，顏色非常靚，蛋黃呈現橙黃色，令人食慾大增。乾鍋田雞⭐️⭐️⭐️⭐️⭐️田雞唔係成日有機會食到，嚟到呢度當然是要食田雞啦！田雞肉柔嫩，肉質又夠滑，加上紅辣椒，青辣椒，香芹，香蔥，芫荽和黐埋一起爆炒，真係非常惹味。