上品火鍋料理 (已結業)

今日放工約左男朋友去搵好野食，路過見到呢間上樓打邊爐，就把心一橫上去試新餐廳。上到去環境唔錯，座位夠大，坐得好舒服，重點係見到夜景喎！我地嗌左煲花膠燉雞湯底，超好飲，未開始打邊爐男朋友已經飲左5碗。材料好足，湯底都有成半隻雞咁多！到打邊爐入戲肉啦，我地嗌左安格斯肥牛，超級好食，真係入口即溶，我地煮到7成熟 剛剛好。又嗌左海鮮，有海中蝦同蟶子，兩樣都好新鮮，sarp十幾秒就撈出黎，食得！其他食物質素都好高，即使係普通如粟米，烏冬，都比出面嘅任食好味好多倍。所以追求食物質素嘅你，可以選擇呢間唔錯嘅打邊爐鋪！另外值得一讚嘅係服務態度好好，每次都幫我地bud湯同換碟