嵐橋日本料理

營業中

休息中

今日又去咗尖沙咀食午餐，我哋揀咗食日本菜。去咗棉登徑嘅呢間嵐橋日本料理，餐廳位於2樓，需要經過樓梯上去，不過就勝在私隱度高，餐廳雖然地方唔算好大，但係就設有獨立嘅卡位，再上多一層更加有箱房，將來同朋友嚟食飯就啱晒。我哋叫咗一個黑豚肉泡菜鍋是烏冬，另外一個北海道丼。黑豚肉泡菜鍋燒烏冬（ $129 ）呢個鍋燒烏冬嘅味道夠哂辣，我食咁多次日本菜黎計，呢個鍋燒烏冬都算係最辣嘅一個，一般日本菜都唔會有咁辣嘅，如果以米線連鎖店嘅辣度去計，佢應該算係大辣。所以如果想挑戰食辣烏冬嘅朋友，不妨一試。北海道丼（ $168 ）嵐橋嘅丼飯從來都唔會令我失望。北海道當就算係最抵食嘅丼飯之一。午餐只需$168 ，就已經有齊前菜、沙律、麵豉湯同茶碗蒸，食完飯仲有甜品包埋。而刺身丼飯嘅刺身種類亦都相當豐富，連海膽、牡丹蝦、帆立貝都有。絕對抵食。