ToriHachi (已結業)

家姐又帶我去食好野🥰今次去左位於鰂魚涌一間日式居酒屋 環境舒服 我哋揀左坐吧枱可以望住師傅整嘢食😍 每道菜仲會由師傅逐碟上枱今次我地試咗佢嘅新推出嘅summer festival menu $698/1位 款款都好精緻又高質❤✨唐揚炸雞沙律🐓呢個並唔係普通嘅唐揚炸雞咬開有驚喜原來係免治雞肉仲加左好有咬口嘅雞軟骨 旁邊沙律有除咗沙律菜仲有櫻花蝦海葡萄同紫菜😍✨西班牙紅蝦帆立貝多士🦐外型好似一舊壽司 最底層放左一塊紫菜 上面放左一片烘到脆口嘅酸種多士 多士上面係一隻鮮甜嘅西班牙紅蝦 最面層鋪上一塊好似啫喱嘅薄膜 同金箔做點綴 外型精緻 口感豐富✨馬里蘭蟹肉芝士天婦羅🦀用紫菜包住蟹肉同芝士去炸炸衣好薄身 食落香脆 啖啖蟹肉✨糖心蛋·豚肉🐖用豚肉包住糖心蛋去燒 豚肉燒到香脆 入口有灰燒香味 糖心蛋蛋味香濃 好流心 好滿足✨燒烏賊串·手指橘莎莎🦑烏賊爽口彈牙 配上莎莎醬 酸酸甜甜好開胃✨牛肋肉·生葵·海鹽🐄/羊架·芥末籽🐑二選一）牛肉顏色粉嫩 入口軟腍 有牛脂香羊架有炭燒味 入口唔羶 顏色粉嫩 肉質軟腍配上芥末籽 味道酸酸辣辣🥰✨櫻花蝦稻庭烏冬🦐🍜賣相好靚 蕃茄仔 秋葵 櫻花蝦配上彈牙烏冬 冰冰