影片
更多
2024-10-16
124 瀏覽
天氣雖然比之前涼左，但都比較熱，晚飯想食日本嘢。老公話銅鑼灣有間樓上幾高質嘅日本嘢，佢話不如今晚帶我去食。餐廳環境非常好，寬闊舒服。餐牌選擇唔少，有多款套餐定食，散叫種類亦好多。每款食物相片好靚，攪到有選擇困難症。最後老公發辦揀左兩款套餐，套餐包田園沙律、湯同茶碗蒸，然後再加個小食同飲品。芝麻雞軟骨：剛炸起，又熱又香口。雞軟骨夠爽口，唧少少檸檬汁味道較清新，點埋沙律醬覺得好好食。田園沙律：沙律菜新鮮，配上胡麻醬已經OK。海帶味噌湯：跟海三色丼套餐，老公話夠味唔會死鹹，都幾好。御飯：上面鋪左飯素，而飯已經調味，有豉油同壽司醋味，味道剛剛好。日替湯品：跟刺身套餐，裡面有三文魚頭同蜆肉等海鮮配料，好鮮味。海三色丼定食：刺身有三文魚同𩶘魚各三塊，另外兩隻特大赤海蝦。老公話三文魚同𩶘魚完全無筋，帶薄薄油脂，特大赤海蝦新鮮帶甜味，三款刺身好有水準。而呢度wasabi係新鮮磨制，加少少點刺身會較有味道。熊本刺身定食：有鮪魚腩兩塊、特大帆立貝開邊兩塊同特大赤海蝦一隻，師傅特選兩款就有油金魚腩同鯛魚。鮪魚腩賣相吸引，脂肪豐富，肥美。特大帆立貝味道鮮甜，油金魚腩同鯛魚食落帶油脂。另外，刺身全部都係厚切，整
餐廳環境非常好，寬闊舒服。餐牌選擇唔少，有多款套餐定食，散叫種類亦好多。每款食物相片好靚，攪到有選擇困難症。最後老公發辦揀左兩款套餐，套餐包田園沙律、湯同茶碗蒸，然後再加個小食同飲品。
芝麻雞軟骨：剛炸起，又熱又香口。雞軟骨夠爽口，唧少少檸檬汁味道較清新，點埋沙律醬覺得好好食。
田園沙律：沙律菜新鮮，配上胡麻醬已經OK。海帶味噌湯：跟海三色丼套餐，老公話夠味唔會死鹹，都幾好。
御飯：上面鋪左飯素，而飯已經調味，有豉油同壽司醋味，味道剛剛好。
日替湯品：跟刺身套餐，裡面有三文魚頭同蜆肉等海鮮配料，好鮮味。
海三色丼定食：刺身有三文魚同𩶘魚各三塊，另外兩隻特大赤海蝦。老公話三文魚同𩶘魚完全無筋，帶薄薄油脂，特大赤海蝦新鮮帶甜味，三款刺身好有水準。而呢度wasabi係新鮮磨制，加少少點刺身會較有味道。
熊本刺身定食：有鮪魚腩兩塊、特大帆立貝開邊兩塊同特大赤海蝦一隻，師傅特選兩款就有油金魚腩同鯛魚。鮪魚腩賣相吸引，脂肪豐富，肥美。特大帆立貝味道鮮甜，油金魚腩同鯛魚食落帶油脂。另外，刺身全部都係厚切，整體好有口感。
茶碗蒸：配料好豐富，裡面有大大隻帆立貝、蜆肉、日本魚蛋、粉絲同鋪面冬菇，日式蒸蛋好滑，鹹鹹地，幾好味。
橙汁燒酎 & 蘋果燒酎：燒酎有3個size，我哋叫左最大850ml果款。橙汁燒酎見到有果肉，蘋果燒酎好有果汁味，甜甜地，越飲就覺得酒味濃，真係唔可以睇少。
張貼
