時代冰室 (毓華里)

營業中

休息中

Item: 時代冰室 (毓華里)
Rating: 5
Author: 痴線仔嬌妻

Times Cafe (Yuk Wah Crescent)

3.5

50 食評

味道

環境

服務

衛生

抵食

677

慈雲山

$51-100

港式茶餐廳/冰室少鹽少糖食店

資訊:
餐廳:	時代冰室 (毓華里)

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

痴線仔嬌妻

等級4

354

由於疫情關係已經好耐無出街食就變咗晚晚住家飯之餘，仲連埋第二日返工嘅lunch，煮飯諗煮咩都諗到頭爆，咁情況下就罷工一日同媽媽出街食。近近地唔去咁遠，就兜咗去慈雲山毓華街一帶睇吓，可能太耐無嚟慈雲山，原本紅色米變咗時代冰室，由於知道係同一集團覺得有保證，於是泊好架車就入去食。裝修同九龍灣一樣都係光鮮企理，最緊要坐得舒服。一坐低職員好快就上咗兩碗例湯，效率都好快手。嘢食方面點咗王牌蔥油雞半隻、咖喱原條炸魚柳配印式薄餅、蟲草花上湯浸娃娃菜同埋黃金鹹蛋雞中翼。嘢食都好快上枱，先上咗個蟲草花上湯浸娃娃菜，上湯好鮮甜，菜又夠新鮮；跟住到黃金鹹蛋雞中翼，鹹蛋好香口之餘又唔會過多，因為太多鹹蛋黃嘅話就會搶哂雞翼味之餘仲會好油膩嘅感覺，呢到整到配搭啱啱好，食多幾隻都唔怕！到個咖喱原條炸魚柳上枱，塊魚柳都幾大塊，而且仲好香脆；咖哩汁夠香又夠辣，仲越食越想食，最搞笑係媽媽話食到覺得個喉嚨好舒服，我都係第一次聽到食咖哩會有咁嘅感覺。最後到個王牌蔥油雞，成碟雞都係蔥，望落去已經感覺D雞好滑，果然放入口都係一樣，而且蔥油都整到好好味，最衰呢排戒緊澱粉質，否則一定要埋碗飯嚟送蔥油，真係送飯一流！如果呢餐飯要挑剔，

由於疫情關係已經好耐無出街食就變咗晚晚住家飯之餘，仲連埋第二日返工嘅lunch，煮飯諗煮咩都諗到頭爆，咁情況下就罷工一日同媽媽出街食。近近地唔去咁遠，就兜咗去慈雲山毓華街一帶睇吓，可能太耐無嚟慈雲山，原本紅色米變咗時代冰室，由於知道係同一集團覺得有保證，於是泊好架車就入去食。

裝修同九龍灣一樣都係光鮮企理，最緊要坐得舒服。一坐低職員好快就上咗兩碗例湯，效率都好快手。嘢食方面點咗王牌蔥油雞半隻、咖喱原條炸魚柳配印式薄餅、蟲草花上湯浸娃娃菜同埋黃金鹹蛋雞中翼。

嘢食都好快上枱，先上咗個蟲草花上湯浸娃娃菜，上湯好鮮甜，菜又夠新鮮；跟住到黃金鹹蛋雞中翼，鹹蛋好香口之餘又唔會過多，因為太多鹹蛋黃嘅話就會搶哂雞翼味之餘仲會好油膩嘅感覺，呢到整到配搭啱啱好，食多幾隻都唔怕！
到個咖喱原條炸魚柳上枱，塊魚柳都幾大塊，而且仲好香脆；咖哩汁夠香又夠辣，仲越食越想食，最搞笑係媽媽話食到覺得個喉嚨好舒服，我都係第一次聽到食咖哩會有咁嘅感覺。
最後到個王牌蔥油雞，成碟雞都係蔥，望落去已經感覺D雞好滑，果然放入口都係一樣，而且蔥油都整到好好味，最衰呢排戒緊澱粉質，否則一定要埋碗飯嚟送蔥油，真係送飯一流！

如果呢餐飯要挑剔，係唯獨嫌隻雞斬嘅時候唔係斬得幾好，雞骨碎多咗些少搞到𠝹到條脷流血。

埋單$204@2人