京都鐡板居酒屋 (已結業)

❤️平時去嘅居酒屋，燈光昏暗同比較細間，感覺有啲悶悶地。但今次去嘅呢間日本餐廳，真係CP值超高！✨✨有鐵板燒、串燒、刺身壽司，選擇多而且質素高！最重要嘅係，環境超寬敞舒適，仲有露台座位，氣氛真係好好，令人流連忘返！🍣首先試咗佢哋嘅刺身拼盤，睇色澤就知道好新鮮，每件都切得好厚好美味，食完滿足感百分百！🥢然後嚟咗開胃沙律菜、黑松露枝豆同小食鱈魚片。鱈魚片好香脆，再加上沙律醬，味道令人回味無窮！🍡🍺有酒就一定要試下佢哋嘅串燒拼盤，樣樣都好吸引，所以全部都叫咗！無論係蔬菜定肉類，燒得好出色，皮脆不硬，熟度剛剛好，唔油唔柴，肉香卻唔覺得油膩。✨尤其係燒雞翼，配啤酒或者清酒，都一樣咁正！🦞燒龍蝦鮮嫩多汁，基礎調味真係突出肉嘅質素，口感彈牙，而且龍蝦膏好濃郁，真係一級棒！🍧最後以日式甜品作結尾。店員好貼心，知道我有選擇困難症，所以送咗三款甜品比我，有海鹽雪糕、抹茶蕨餅同草莓奶凍，全部都好好味，真係唔可以錯過！🧡臨走嘅時候，老闆仲送咗珍寶珠比我，佢話係呢度嘅儀式感，令我覺得好有人情味呀！