麻神麻辣火鍋 (已結業)

麻神位於銅鑼灣Midtown, 入到去非常之舒服，因為每張枱都好大夠闊落，私隱度都好足，唔會聽到哂隔離枱講野，可以話係食得十分Chill 首先我同朋友叫咗個鍋係鴛鴦嘅🔸麻辣湯拼花膠雞湯有別於一般麻辣湯底加入大量肉類同骨類，以及一大堆人工調味料、辣椒熬製，食來辣喉又燥熱。麻神呢個真係當湯咁飲！十分順喉，唔會嗆到，配佢地鴨血十分入味！而花膠雞湯好足料，好多舊算係厚身，有層膠咁😍飲完覺得好暖好補身🔸美國頂級牛小排呢個真係世界級，煮法都好特別！佢地係將生嘅牛小排攞開，然後就攞滾緊嘅麻辣湯淋落去，淋到佢變咗色就可以了，有啲似溫體牛嘅做法。然後再加佢地特制辣油同少少葱！入囗非常香，亦好滑，食落個層次好豐富❤️🔸王子麵煮法又係好嘅，放係麻辣鍋索曬啲味，然後煮到啲麵軟硬適中就攞上嚟，做個撈麵嘅感覺，加上葱油好惹味最後叫咗個紅莓雲芭，做得好食過品牌出嘅，好smooth好解重口味，食完十分清爽！