點籽冰室 (已結業)

《✨點籽冰室》喺正公司附近，咁啱同同事行過呢邊見到，今日又有啲趕時間，費事周圍搵餐廳食嘢就決定食呢間。我就叫咗一個羅勒肉醬意粉🍝配熱奶茶☕️。同事就叫咗🐷豬扒湯意粉配菠菜炒蛋及餐包配熱檸蜜🍋。兩個餐我覺得份量都幾足，我哋兩個女仔食都覺得好飽。我個個羅勒肉醬意粉嘅肉醬份量好多，食落好滿足，每一啖都食到酸酸甜甜嘅蕃茄味同埋肉碎。同事嗰個豬扒湯意粉都唔差，豬扒大大塊，意粉都幾煙靭有咬口，菠菜炒蛋隻蛋唔老，仲配埋餐包添，超級豐富嘅套餐。飲品方面，熱奶茶香滑，奶香茶香都濃厚。熱檸蜜就酸酸甜甜。我哋兩個都覺得呢間餐廳唔差，一星期都可以嚟食一兩次😆