Cafe Gute (已結業)

係太古做左大半年, 朋友話AEON有間A1 cafe, 連知都唔知既我梗係有興趣去試下啦~原來係das gute! 不嬲都中意佢既麵包, 都係第一次食cafe~   1點已經有一堆人等緊位喇, 差在舖面唔大枱與枱之間都逼左少少~ 每個set都包一個自家麵包, 湯或沙律, 仲有飲品! 朋友就係最中意佢既麵包~ 佢會拎個籃比你揀麵包, 大約有4-5款啦, 我就揀左呢款貌似豬仔包既, 真係特別鬆軟架! soft soft地搽埋牛油真係一流!個沙律配足夠既千島醬都唔錯, 唔會話太細或者太乾我叫左黑松露磨菇意式燴飯, 當正risotto咁食, 個汁幾香, 黑松露都唔係太濃所以幾易入口, 不過就可能乾左少少~  朋友個哥根芝士意粉好creamy, 一向都中意食白汁意粉, 不過就漏左d, 未必食得晒, 如果佢個creamy sauce配我既risotto應該非常好食!ps, 臨走有位好禮貌既客人投訴碟意粉細過旁邊個碟, 但侍應既態度係無呀, 我睇落一樣呀...  人地投訴個個語氣都唔錯, 你係服務者會唔會都不至於咁惡掛...