鍋居火鍋專門店 (已結業)

九點十零分入到去坐低，諗住叫嘢食，侍應哥哥就問我地會唔會等9:30八折先叫。咁我哋就話好，叫支青島飲住等。但飲啤酒等之際，點知有位嘅鬍鬚侍應哥哥走黎大大聲呼喝: 如果要八折就買咗張單出返門口等，9:30再入過嚟八折！嗰時間鋪連埋我哋得兩張枱有客，但出邊30幾度，竟然要我買咗張單再入過嚟！嬲嬲地埋咗張醬油連啤酒錢總共63蚊嘅單走人！我哋平時兩條友又飲又食張單都五六舊水，鬍鬚侍應哥哥真係幫老闆認真執行規矩，但唔怪得間野冇咩人啦！