水門雞飯 (豉油街)

營業中

休息中

去旺角行街，順便係呢邊食午餐。我自己好鍾意食東南亞菜式，見呢間泰式餐廳好受歡迎，所以慕名而來。呢到可以QR code落單，好方便，套餐搭配湯同飲品，系統都好清楚展示。我揀左水門雞飯，再加雞雜，雞口感唔錯，份量算多，配醬汁夠惹味，另外加配雞雜，雞腎同雞腸夠哂鮮味爽脆。套餐仲配冬瓜湯，有胡椒味，清甜得黎亦夠開胃。平時食刺身時我都鍾意揀食蝦刺身，所以見到有泰式生蝦緊係要一試！生蝦新鮮爽口，擺盤有特製辣醬料同苦瓜，賣相夠哂靚，而且味道好好。另外仲叫左杯龍眼水，滿滿龍眼果肉，味道夠濃，但亦容易入口同解渴！整體黎講呢到啲食物性價比都好高，值得再去食！