拾う月

營業中

休息中

位置係有啲刁鑽，但唔算難搵。電梯上兩層，即圖書館下面嗰層，轉右又轉右，盡頭見一大缸靚靚「咁你」就是。原來係日、泰兩食。主要想日食，所以只睇日本咩料。串燒都係日式串燒輕巧三件裝，幾鍾意黑豚肉紫蘇卷陣味。平時用紫蘇葉煮海鮮為咗解毒，依家襯豬肉個作用變咗解膩，類似百里香之類，不過紫蘇就較軟身方便吞埋。另一串係牛肋肉，外熟內生，味道可以，相對就顯得較普通。和牛烏冬賣相都幾嬌嫩，類似越南生牛肉河粉，只係轉咗稍為厚身大片嘅牛肉片、稻庭烏冬，調味各樣都ok，係略嫌有啲細碗。親子丼，玉子都細碎混和咗切粒雞肉，滑滑溜溜幾頂到肚，反而飯量就稍多。油甘肉刺身俾咗唔係近魚皮位置，比平時食開減腥。