十二味 (裕民坊YM²)

營業中

休息中

觀塘真係好繁忙多人, 裕民坊重建後有好多餐廳進駐, 試下呢間新開川菜, 係平台花園環境優美, 寧靜休閒別有一番洞天！落地玻璃很有現代透視感, 可欣賞花園景色, 令人心境頓時變得寧靜平和！餐廳用手機點餐, 掃一掃q r code簡單方便！而家openrice訂座仲有折扣優惠！川式口水雞上碟擺盤精緻吸引, 見到紅紅嘅辣椒油, 心跳即刻加速, 充滿重慶四川辣味感覺！食落又唔係咁辣, 口水雞屬冷盤, 配川辣真係恰到好處, 雞肉十分入味, 嫩滑唔係鞋口, 雞皮都好滑流, 真係食到口水流！桂花冰釀隻杯造型精緻, 好有古典特色, 啱曬打卡。味道感覺似酒釀丸子嘅飲品版, 酸酸甜甜非常醒胃！