Luxury (已結業)

紀念日黎到呢間西餐私房菜。一早已經同職員order好菜式，坐低等食就可以了。餐前麵包:共有四種味道，上網睇番原來係墨汁，香草，芝士同蕃茄。雖然唔係好食到佢哋嘅分別，但配上牛油或蒜蓉香草醬，都唔錯。法式干邑龍蝦湯：可能係干邑重手左，食落有點苦澀味，龍蝦嘅鮮味被淹蓋。幸好個湯口感不俗，夠滑。香煎北海道帶子龍蝦汁燴意大利飯：帶子煎到半熟，唔會韌，而且大粒厚身。意大利飯經龍蝦汁燴過，味道濃郁，飯粒圓潤，有咬口。烤日本A4和牛肉眼配時令蔬菜:當日叫左五成熟，火候控制得宜，可惜個排唔算新鮮，味道中規中矩。焗肉桂菠蘿金寶伴自家雪糕：呢個甜品係全晚嘅驚喜。烤焗過嘅菠蘿加埋肉桂，香甜而不膩。自家雪糕濃味creamy。不嗜甜嘅我都不知不覺食清光。