鮪世市場 (已結業)

經開哩間壽司店突然想食，鋪頭唔大，好似只有約8個座位左右，但裝修得唔錯，下過功夫。就係被這個魚生櫃吸引左。火炙鵝肝壽司($38)，必食推介，鵝肝入口即溶，滿口油份，好香口。大吞拿魚腩($45)，油甘魚($13)，象拔蚌($13)，赤貝($13)，帆立貝($18)，特大赤海蝦($13)，每件魚生都好新鮮。大吞拿魚腩好正，同日本食到既一樣，都係入口即溶，實在太好食啦，海蝦都好正，又抵又大隻。汁燒海鰻($13)，火炙帆立貝($18)。燒玉子($9)，飛魚子($9)，芥辣八爪魚($9)，八爪魚爽口，份量都幾多。三文魚手卷($18)，好新鮮肥美，食完所有壽司好飽。