孖寶車仔麵

營業中

休息中

有啲乜嘢開心過食串魚蛋，食串燒賣？就係有埋腸粉，同埋其他車仔麵嘅嘢食啦🤣🤣🤣佢依度居然有腸粉餐，而且有得隨便選擇唔同車仔麵嘅餸，不過我就冇諗咁多。淨係揀咗啲平時會食嘅嘢，例如魚蛋燒賣同埋雞翼，佢哋味道都唔錯，魚蛋係陳皮魚蛋，然後燒賣都煙韌彈牙，雞翼都好入味！而我朋友仲叫咗一碗車仔麵配住蘿蔔雞翼同埋菜，食落都唔錯。而且有得揀清湯，腩汁，沙嗲汁等等唔同嘅口味。最後梗係唔少得要一個碗仔翅啦，我哋叫咗墨魚條碗仔翅，佢嘅墨魚好彈牙好好食，而且裏面嘅配料都好多！最後梗係要返一杯凍豆漿去解解渴啦，佢嘅凍豆漿係支裝嘅，所以可以拎住走都好方便！