小蜜蜂 (已結業)

第二次黎食,知道呢度d野唔係好平(第一次的食評遲d補番)...其實呢度都有車仔麵,不過比河畔的貴,所以自己都未食過...本黎今次係想試車仔麵,但唔想食肉,見到餐牌有個叫做鮮什菌螺絲粉,自己又鍾意食菌類,就試左呢個+奶茶...鮮什菌螺絲粉,鮮什菌有冬菇,草菇,秀珍菇,仲有一種唔知叫咩名的菇,冬菇係鮮冬菇,唔係乾貨果種,但嫌唔夠鮮...草菇,秀珍菇ok,果種唔知叫咩名的菇反而幾好食,一片片的...螺絲粉係有咬口的...只可惜碟鮮什菌螺絲粉實在細碟,食完唔飽,覺得唔太抵...奶茶,茶味奶味並重,但唔夠滑...