胡爐 (已結業)

今次介紹嘅《胡爐》位於尖沙咀厚福街，主打優質新鮮食材製成火鍋。胡爐醉八鮮鍋依款係佢地嘅必點菜式之一，八鮮即係八款海鮮，分別有主打嘅龍蝦、鮑魚、青口、蜆、魷魚、東風螺、花膠、魚翅。首先店員會用金屬鍋上枱，可以好清晰咁見到每一款海鮮。跟住會倒入秘製料酒再點火，見到熊熊烈火就係打卡嘅時間。所以每蒸發掉酒精，留下酒香嘅味道。精華部份一定要飲佢哋個湯，會有香濃嘅海鮮味。跟住再食一啖龍蝦肉，鮮甜又彈牙。然後可以慢慢品嚐其餘嘅海鮮，每一款都充滿鮮味。胡爐牛拼盤食得打邊爐，當然唔少得靚嘅牛肉。依個牛拼盤包含極上手切牛頸脊、牛胸爽、霜降牛粒、牛舌芯、安格斯手切肥牛。一次過試哂咁多款，肉味最濃就一定係牛頸脊。要牛脂味就可以揀手切肥牛。餃子拼盤一次過可以試哂黑松露餃、魚皮餃、鮮蝦雲吞。黑松露餃就味道最香濃，而鮮蝦雲吞就大大隻蝦，味道鮮甜。丸類拼盤最特別一定要數墨魚丸、蝦丸、牛丸同埋黑松露墨魚丸。每一款都係新鮮手打，所以食落特別彈牙。最後當然要叫番過蔬菜拼盤，啲蔬菜吸收晒海鮮嘅味道，都變得好鮮甜。 ✨人均400左右如果唔想錯過其他好介紹，記得follow我呀😘多謝大家！！！`*-.,.-*`♪`*-.,.-*