莆田 (荃灣廣場)

營業中

休息中

最近係蟶子季,莆田又推出蟶子menu啦🦪!同蠔仔menu一樣,都係有兩款優惠價,只需要219🤑~有辣炒蟶子,又有好多檯都有點嘅鐵板蟶子~但我哋揀咗原汁原味嘅蒜蓉蒸🧄同埋香口嘅椒鹽🧂~喜歡椒鹽香口嘢嘅呢個椒鹽哆頭蟶就好適合😋~佢下面仲有茶樹菇,茶樹菇香氣加埋少少椒鹽,好惹味🥰~主角蟶子肥嘟嘟,咬落外面香口,入面又軟又鮮~海鮮最正都係蒸💦,佢加上咗海量嘅蒜蓉,更加有風味👍~而且啲蒜蓉應該係煮過先蒸,唔會有啲唔夠熟而太辣搶咗味~呢個蒜香荷蘭豆雖然簡單,但係啲蒜頭都有炒香過~啲燒焦嘅顏色🧄,炒得啲荷蘭豆好亮澤鮮嫩~兩個人叫咗個砂鍋黃花魚湯例牌,估唔到咁大煲🍲!如果叫大嘅到底有幾大?!佢嘅黃花魚煎香咗煮湯好鮮甜🐠,不過胡椒味比較重,我唔太喜歡~但飲完個湯真係成身暖晒🌡~呢個酥炒芋芯之前都有點過,一樣咁軟熟嘅芋頭,面層夠香脆~今次叫咗另一款甜品 - 薄荷枇杷凍~清爽嘅果凍🍨,加埋微酸嘅枇杷好夾~每次嚟莆田都有啲新嘢吸引我😍~而encore菜式都仍然咁出色,期待下次再嚟!