魚事者 (鴻達樓) (已結業)

最近係旺角上完堂肚餓經過一間Tiffany Blue個名又玩食字既外賣小食店【魚事者】就試下。佢地唔只裝修特別，連食物都好特別。主打魚肉製品，連“薯條”同麵都係魚肉做。 又香又臭蒜油鷄翼魚麵撈：超級香濃蒜味，大蒜控超愛。鷄翼炸得超級香脆，就算外賣到屋企都仲脆，而且個蒜蓉醬好正好creamy，好濃！魚麵撈蒜味就少D，不過口感彈牙，又可以中和返鷄翼既味。過癮咖喱汁餃子魚麵撈（半份）：咖喱汁都偏辣，不過搭配魚麵又幾岩key，辣得過癮。餃子係炸過，幾香脆。 蒜你識撈香滑腸粉：好大份腸粉，D蒜蓉豉油都係鋪頭自己調配，非常特別，唔會好鹹、蒜香味濃，食唔停口。 我要曬小食拼盤（炸魚狗腸+雙拼燒賣+咖喱魚兵團）：雙拼燒賣係原味同芫茜味道、非常好食，一D都食唔出芫茜味。醬汁加左秘製豉油同咖喱汁，好香。咖喱魚兵團都幾得意，不過炸魚狗腸就遜色少少。 炸魚無薯條：有D似炸魚蛋片，新鮮炸起非常香脆。另外加左個黑松露醬，又增添另外一種風味。 另外新年期間仲有得訂購自家制椰汁年糕。