新興龍海鮮酒家

營業中

休息中

響三家村水產食完一餐唔飽😅於是去隔離食過第二餐，是但求其下揀左入口個間海鮮檔買料，老闆娘(係卦)就帶左我地去哩間海鮮酒家。上左上層坐，不幸地隔離坐左枱潮洲人，以為間酒家大到幾萬尺，擘大個嗓門講野，極度搔擾😑。烚蝦：正常但我覺得唔夠新鮮，蝦肉好似有啲啲啲霉。蒜蓉粉絲蒸扇貝：都係正常，但...無豉油...其實係咪咁架？🙄唔好意思，唔記得係乜🐟。普普通通。豉椒炒蜆：無沙，啲獻汁唔會一pat野咁，唔錯。但唔夠熱。椒鹽鮮魷？鮮魷？？？大佬，墨魚黎架喎！本身海鮮檔個阿哥話無，話幫我地搵，最後搵左啲咁嘅野俾我地！你無魷魚得墨魚，你咪同我地講無，得墨魚你要唔要？而家咁樣完全係當客人係白痴！酒家侍應響度扮無知，話要問返海鮮檔。hello？你地有咩可能唔知呢？你地唔知，個廚都知啦下話？本來都唔想俾喊面，但食物質素普通再加上有欺騙之嫌，所以都要俾喊面。