ToriHachi (已結業)

同好姐妹book左去鰂魚涌玩人氣滾軸溜冰，一早search定鰂魚涌美食 – ToriHachi。餐廳裝潢以型格設計嘅居酒屋feel，分左吧枱同餐枱兩個area ，我自己偏好坐吧枱，鐘意食 omakase 嘅感覺！Weekend Brunch set 一人前有前菜2款、串燒2款、主菜1款、餐湯及甜品，十分豐富！🥔前菜揀左冷嘅薯仔沙律＋蜜餞小銀魚；綿滑嘅薯仔蓉加上甜甜地嘅小銀魚相當之夾，底層仲放左小小薄荷醬令成個沙律更fresh! 🌽另一款前菜揀左熱嘅粟米天婦羅，炸到金黃色嘅粟米球賣相吸晴，食落外面脆卜卜，內裡爽甜，唔錯！🍗雞肉丸子：燒到帶點焦香嘅免治雞肉丸子，雞肉好juicy，加上有雞軟骨令口感更豐富，一食就知自家製而且好好味！🥚🍖溏心蛋豚肉燒：燒到甘香嘅北海道豚肉香氣撲鼻，裡面仲包住左蛋之皇者-蘭王嘅溏心蛋！一啖咬落去豚肉油脂香溢，緊接就係爆開嘅蛋漿香味湧入口！一試難忘！🥩吉列美國極黑豬柳定食: 超巨型嘅極黑豬柳，外層金黃酥脆，咬落鬆化香口而唔油膩！內裡嘅豬柳保留倒肉汁同軟嫩，配埋自家製醬汁食更惹味！推介！ 🥣是日餐湯係磨菇湯，似西式湯夠濃郁！🍮是日甜品朱古力蛋糕，唔會太甜啱我地！ T