富盈廚坊雞煲．海鮮專門店 (已搬遷) 新店位置

$160 雞煲連火鍋，其實呢個價錢好多地方都做緊，呼籲大家唔好去呢間，免得貼錢買難受。事緣一行三人，話人太少無得訂台，只有wak in等位，接近等左一個鐘先入得。雞煲D雞睇落係唔差，但食落好咸，建議唔好加佢D湯，我地之後叫佢加水，沖淡少少咸味。食到咁上下，有個男侍應行埋黎話叫我地埋單，仲話淨番4個字食，我地當時仲岩岩黎左成牒火鍋配料未食，已經拿拿聲一鋪過倒晒落去淥，諗住唔好晒野食埋先，當時9:30PM見到出面已經無人等位，諗住埋左單，應該可以等到食埋先走掛，點知又係個男侍應行埋黎，仲用一D好似趕客同惡既態度叫我地要即刻起身走，佢話: "仲食，叫你地走呀，夠鐘喇，仲唔走，仲食，走喇" ，之後已經有人黎收野，你要客走都唔使咁惡劣態度呀，蝕唔起就唔好學人做任食火鍋喇，仲有個男侍應做得咁勞氣，你不如唔好做喇，返去練習吓d廣東話，學吓點serve d客先好入行喇!!!今餐真係食到一肚火，咁既服務態度，真係睇你間野做得幾耐。