回到味來 (已結業)

見到有間又有串燒又有邊爐又有雞煲，一次過食到咁多不同的野，就諗都唔諗入左去。雞煲，招牌雞煲，幾入味！小小辣。因為我的七點前入座，價錢再平啲。我地揀左$188的套餐先來雞煲，叫左bb辣，啲少少麻辣，雞件好香好入味，份量都好多。食完雞煲轉火鍋，揀左皮蛋芫茜湯，清清地，$188個套係送牛頸脊一碟！入口熔化，牛味香濃，另外自助吧有好多蔬菜盤同火鍋配料可無限添加，例如麵，烏冬，腸，各款丸，菜等等，一定岩你仲有任點串燒，雞牛豬丸多春魚，燒的火喉剛剛好，好入味，仲熱辣辣！飲品除左普通的，仲有任點台式飲品，超過二十幾種的台式飲品，大大杯！整體來講性高比好高，無論食物、飲品款式都好多，質素都好好。