座銀

營業中

休息中

之前見社交平台有人推薦依間雞白湯麵，禮拜日路經中環終於去一試。1:30pm去到唔洗等位，menu選擇有三款拉麵，第一次去食當然揀最classic嗰款雞白湯拉麵，而同行友人揀左沾麵。有少少肚餓，所以加左溏心蛋。等左一陣，麵好快上左。雞白湯拉麵：試下啖湯，唔算超級濃味嘅雞白湯，大量炸牛蒡，炸得好脆，兩片雞肉，相信係慢煮過？都好嫩。拉麵份量都好多，食到最後湯底居然都係熱嘅。同行友人沾麵：湯底就咁飲偏鹹，相比湯麵，沾麵湯亦都凍得較快。但附送炸牛蒡只有一兩條。溏心蛋：還好，其中半隻已經流左d 蛋黃出黎，比較可惜。總結黎講，未試過可以一試。性價比未算太高。