蟹點

營業中

休息中

偶然於鴨脷洲附近工作，得知附近有一間非常不錯的餐廳，於是便和朋友想約到來試一試。今次來到的是距離海怡半島地鐵站5分鐘路程的蟹點泰粵小炒王。顧名思義是泰國菜與粵菜都有得食的餐廳。來到蟹點，必然要試一試他的蟹，今次就叫咗泰國風味的一個孖寶套餐，咖喱軟殼蟹配馬拉盞炒通菜，剛上菜就聞到一陣陣咖喱香味，大量的椰汁令到整個菜充滿椰香，軟殼蟹亦炸得非常乾身，總共有三隻軟殼蟹，認真抵食。跟餐亦配上蒜蓉包，配上椰香濃郁的咖喱，亦是非常不錯的配搭。另一個主食便是店員大力推介的原隻脆皮炸豬手，這個真心大力推薦，可以算是食過的炸豬手裏面的三甲。炸豬手的表皮脆口而不會過硬，皮後的脂肪亦非常煙靭，豬手的肉非常嫩口，實在是一碟豬手三種口感，配上特製的酸辣汁，令人久吃不覺膩。海鮮方面還有豉椒炒蟶子王，大大隻的蟶子非常新鮮，難得連伴碟的青紅椒亦非常鮮甜，連配菜的挑選都非常認真，完全感受到蟹點力求完美的想法。最後食小炒當然要配上凍啤酒，蟹點還有提供集傳統飲酒和打卡於一身的戰鬥碗，認真夠潮！