影片
更多
2024-04-04
63 瀏覽
又去龍鳳呈祥～上次都差唔多一年前啦呢度主打70-80年代港式懷舊主題嘅雞煲火鍋味道都唔錯㗎，雖然價錢唔係特別平，但係物有所值上次叫咗秘制黃蜆惹味雞煲，不過一直都想返嚟試鹹蛋黃醬雞煲，因為我超級鍾意食鹹蛋黃🥺終於再訪啦🍴鹹蛋黃醬雞煲 $278店員會嚟幫手撈勻啲雞同埋鹹蛋黃醬，雞煲滾起就可以食啦。食晒啲雞就可以加湯慢慢打邊爐啦🍲男朋友話好重鹹蛋黃味，食到晒啲沙沙地嘅鹹蛋黃口感～我就覺得個雞煲太辣，（我地叫小辣）遮蓋咗鹹蛋黃味🍴牛肉拼盤（細） $338拼盤有齊牛舌、手切牛肉、牛胸爽、牛柏葉、牛肉粒，以及雪花肥牛份量兩至三個人就啱啱好🍴豐盛雜菜拼盤 $128蘿蔔、蕃茄、粟米，淮山、蓮藕、金菇、油麥菜、娃娃菜，蘿蔔開頭見到菜拼盤都要$128覺得有啲貴，不過呢個拼盤真係好有誠意，啲蘿蔔係心形嘅，同埋份量都好多都抵食五香肉丁餃(6粒）＄78呢度所有嘅餃子都係即叫即整嘅，好濃嘅五香肉丁味手打鮮蝦蟹子丸8粒 $108呢個係我嘅必食推介！個蝦丸超有蝦味，同埋個口感好彈牙，真係感覺到鮮味🦐秘製鹹檸七自家秘制鹹檸檬，自己再倒可樂或者七喜入去～好特別嘅味道😂
又去龍鳳呈祥～上次都差唔多一年前啦
呢度主打70-80年代港式懷舊主題嘅雞煲火鍋
味道都唔錯㗎，雖然價錢唔係特別平，但係物有所值
上次叫咗秘制黃蜆惹味雞煲，不過一直都想返嚟試鹹蛋黃醬雞煲，因為我超級鍾意食鹹蛋黃🥺終於再訪啦
🍴鹹蛋黃醬雞煲 $278
店員會嚟幫手撈勻啲雞同埋鹹蛋黃醬，雞煲滾起就可以食啦。食晒啲雞就可以加湯慢慢打邊爐啦🍲男朋友話好重鹹蛋黃味，食到晒啲沙沙地嘅鹹蛋黃口感～我就覺得個雞煲太辣，（我地叫小辣）遮蓋咗鹹蛋黃味
🍴牛肉拼盤（細） $338
拼盤有齊牛舌、手切牛肉、牛胸爽、牛柏葉、牛肉粒，以及雪花肥牛
份量兩至三個人就啱啱好
🍴豐盛雜菜拼盤 $128
蘿蔔、蕃茄、粟米，淮山、蓮藕、金菇、油麥菜、娃娃菜，蘿蔔
開頭見到菜拼盤都要$128覺得有啲貴，不過呢個拼盤真係好有誠意，啲蘿蔔係心形嘅，同埋份量都好多都抵食
五香肉丁餃(6粒）＄78
呢度所有嘅餃子都係即叫即整嘅，好濃嘅五香肉丁味
手打鮮蝦蟹子丸8粒 $108
呢個係我嘅必食推介！個蝦丸超有蝦味，同埋個口感好彈牙，真係感覺到鮮味🦐
秘製鹹檸七
自家秘制鹹檸檬，自己再倒可樂或者七喜入去～好特別嘅味道😂
張貼
