古早牛肉麵 (已結業)

其實古早經過好多次，每次經過都被"麵線"兩個字吸引，今次即管試試，睇吓佢同八方雲集嘅麵線邊個嘅啱自己口味。首先古早嘅麵線湯底比八方深色，湯底嘅質感比八方稀，哩方面我自己比較中意八方嘅湯底。味道方面，反而古早比較有鮮味，依家嘅八方，唔知點解麵線嘅味好死，個湯底好似只落咗糖同鹽。鹵水大腸方面份量比八方多，味道同質感大家都差唔多。其實.... 哩碗麵線一d都唔便宜，成34蚊一碗，同八方雲集一樣，又係細細碗，份量偏少，所以我叫定一份鹽酥大雞排。大雞排新鮮炸，所以好熱，辣咀！雖然叫鹽酥，又唔係想像中咁咸，外脆內軟有肉汁，唔錯。最后答案，我比較中意古早，所以會再幫襯！