喫麵 (愉景新城) (已結業)

喫麵係荃灣開左分店la！荃灣分店基本上menu同尖沙咀既一樣，但係小食方面就好似冇咁多選擇，亦都冇佢地既招牌打卡熊仔冰奶茶🤔呢度係自助落單既，有自助既電子機可以落單，又或者坐低係位scan檯面既qr code落單都得，好方便☺️嘢食ready既時候檯面既檯號會著燈，提示你可以去攞餐la。  呢度有好多款唔同既麵食揀，有台灣牛肉麵、曼谷船面、檳城蝦麵、海南雞喇沙、香港車仔麵等等。另外除左麵食之外仲有唔同既飯類可以揀，同朋友食飯，就唔洗驚要就黎就去，緊有一款啱食既😉1️⃣上海麻辣豬扒擔擔麵（$88）擔擔麵面頭有好多花生肉碎，味道濃郁，麵條好掛湯😋個擔擔麵係唔錯既，而且湯底微辣幾惹味🌶️不過就有少少過鹹。豬扒幾大份，炸得好脆，不過個人覺得冇乜味，食落口感覺好單調。  2⃣️新加坡海鮮喇沙麵（$88）喇沙湯底椰香味好濃😳米線幾滑幾彈牙。配料有大蝦、青口、魚片、魚蛋、芽菜、豆卜、魷魚鬚，好豐富。  3⃣️成都紅油抄手（$32）紅油抄手入面好明顯食到蝦肉🦐👍皮薄餡鮮，不過調味比我想像中既輕手，辣味欠奉，比較似雲吞多過紅油抄手。  4⃣️薯絲蝦卷（$38）配上酸辣醬汁，酸酸甜甜幾好食，薯絲炸得好脆，而且食落口唔油😌