影片
更多
2023-11-21
146 瀏覽
作為人氣甜品店Ukiyo嘅姊妹店，主打多款創意洋食料理，有少少日西fusion嘅元素，款式唔多但勝在夠心思！小店行小清新Cafe路線，裏面有啲波波燈裝飾，打卡都唔錯！今次特登衝住佢個麻糬窩夫嚟，煙靭麻糬配上窩夫，真係超吸引！🤩------------------------------🐟◖角切油甘魚醬油漬三文魚子椰菜花米丼◗ $128有時想食丼飯但又唔想食碳水，椰菜花米丼係一個唔錯嘅選擇！醬油漬油甘魚微酸，充滿着魚油嘅香氣，仲有啲三文魚子，食落特別鮮甜；椰菜花米一粒粒頗有口感，多汁清甜，大大啖咁食都冇罪惡感！🐖◖BB豬肋骨山賊燒◗ $128豬肋骨有五條，已經切成一條條，即照即焗！外面燒得乾身少少焦脆，口感軟腍，但略嫌豬肋骨唔夠入味～🍵◖抹茶麻糬窩夫 $118呢個麻糬窩夫真係必試！麻糬大大片，好似被咁冚上窩夫到，可以拉到絲，而且窩夫都特別大塊，抹茶味特別濃郁，加上抹茶粉同黃豆粉，食落更加香！麻糬口感煙靭，就咁同窩夫一齊食，甜度啱啱好，口感超滿足，另外可以配上紅豆/黑糖醬/黃豆味忌廉，口感正超滿足！🌟Encore指數：8.7/10
------------------------------
🐟◖角切油甘魚醬油漬三文魚子椰菜花米丼◗ $128
有時想食丼飯但又唔想食碳水，椰菜花米丼係一個唔錯嘅選擇！醬油漬油甘魚微酸，充滿着魚油嘅香氣，仲有啲三文魚子，食落特別鮮甜；椰菜花米一粒粒頗有口感，多汁清甜，大大啖咁食都冇罪惡感！
🐖◖BB豬肋骨山賊燒◗ $128
豬肋骨有五條，已經切成一條條，即照即焗！外面燒得乾身少少焦脆，口感軟腍，但略嫌豬肋骨唔夠入味～
🍵◖抹茶麻糬窩夫 $118
呢個麻糬窩夫真係必試！麻糬大大片，好似被咁冚上窩夫到，可以拉到絲，而且窩夫都特別大塊，抹茶味特別濃郁，加上抹茶粉同黃豆粉，食落更加香！麻糬口感煙靭，就咁同窩夫一齊食，甜度啱啱好，口感超滿足，另外可以配上紅豆/黑糖醬/黃豆味忌廉，口感正超滿足！
🌟Encore指數：8.7/10
張貼
