麻辣風雲 (京都廣場) (已結業)

”麻辣風雲”呢個名齋聽好似一本小說名咁，估唔到係一間餐廳。所以我哋一於就試下係咪真係咁有劇情啦✌️佢枱面上真係有架風雲船仔幾得意，船上有個古代人，船上亦有支旗寫住麻辣風雲，真係好似去左佢個故事入面咁🤣試左幾個小菜，首先黎個自選干鍋，可以自選唔同配料。上面佈滿好幾條原條辣椒，辣度十足。啲肉同啲配料都幾入味，配合埋個辣度咁樣幾惹味。🍲另外當然唔少得招牌菜酸菜魚。本身都好鍾意食酸菜魚，呢度嘅酸菜都唔錯，酸酸辣辣咁好易入口，魚肉亦都新鮮嫩口。🐟大家都鍾意食牛肉所以就嗌多咗個薑煸牛肉。其實我覺得佢賣相都好吸引，紅紅綠綠咁。聞落去都已經好香，食落又唔韌，非常鮮嫩，充滿肉汁。🐂