亞金南洋茶室 (黃大仙中心南館)

營業中

休息中

一開業我就已經來試～整體來講食物質素真係唔錯！其實佢係同下邊金記同一個集團嘅，因為我見到金記啲員工喺度出現。呢度落單好先進，要用QR code自己點餐。食物方面，由於同啲同事試咗好多次，所以好多款食物都試過，有啲係好好食，有啲係中伏嘅～各種叻沙又或者滲滲都好食，尤其推薦無骨海南雞滲滲，滲滲即是油麵溝米粉，個湯底有椰子香味，好少辣做得幾正宗，麵口感都好好，海南雞肉好滑，正！係我嘅首選福建炒麵好難食，中伏的，不要點～飲品方面檸檬薏米水甜到嘔電，唔好點，其他飲品都正正常常啦～整體來講，食物質素係幾好嘅，但係我亦都明白佢啲差評係點樣嚟嘅，因為的確佢有d食物確實係麻麻地。