加藤屋 (元州街) (已結業)

經過深水埗 又唔係好想食車仔麵 又去左呢間 不過真係好多人排TT好彩最後排左大約15分鐘就入到座 佢都有好多選擇 咖哩呀 鐵板燒 壽喜燒等等 全部都係50蚊左右 下午茶仲抵 廿零蚊就有 真係糧尾恩物TT 叫左個豚肉鍋定食 真係好大鍋同好多飯 一定唔會驚食唔飽 個鍋都幾多野食 佢落左好多椰菜 有少少金針菇 磨菇片 紅蘿蔔 半隻熟蛋 同啲木耳絲啊 粟米等等 我揀左個壽喜燒湯底 甜甜地都幾開胃既 不過啲豚肉真係太肥啦 唔太中意果種口感 亦唔係幾好食 由於佢係定食 所以會包野飲/麵豉湯 再加一碟小食 佢話係泡菜黎 埋單四十幾蚊 如果你係學生仲可以減八蚊😚