sensory ZERO (One Island South ) (已結業)

假日random pick，想搵下cafe chill，zensory zero一直都在checklist，所以就決定去黃竹坑探索下。間店地點非常近地鐵站，離遠見到全落地玻璃就知係佢。一開門入去就係CASHIER，所以大家都塞哂喺門口，本身好驚見到咁多人以為有排等，再望入去，地方好大，位置很多，太好。不得不講，樓底真係十分高，喺香港搵到間空間感咁大嘅CAFE 真係好驚喜。店鋪係全自助形式，先排隊俾錢買嘢食，自己去拎埋嘢食先再去搵位。CASHIER隔離放咗D扭蛋，好QQ 。店內椅桌都偏向工業風，部分食品就強調材料來自日本（日本米／日本蛋），餐具就中國風青花瓷，集各類風格於一身真係好特別。All day breakfast 不算太特出，正常用料，正常味道。茄汁豆，腸同菜都好普通。菇唔夠味。相比下，火腿較特別，厚身但偏咸。最出色係多士有烘底，牛油內有香草，好香。份量唔算大，但因為ALL DAY 係我必選菜色，所以都無後悔。蛋多士有驚喜。朋友食咗一啖問我點解好似有榴槤味，我好驚訝估唔到有呢個玩法，即刻整返啖試下。笑死，的確係有種特別味道但唔係榴槤味，我覺得係有陣香草味加少少牛奶味。唔知係咪因為