黃記煌三汁燜鍋 (已結業)

終於‪到星期五‬，朋友揾到呢間黃記煌🍲見到d食物相好吸引，9半後入座還有75折，即刻book 枱去試下😆😆入到去餐廳環境寬闊，坐得舒服，枱與枱之間唔會好迫!👍🏻見到menu就已經花多眼亂，因為除左麻辣鍋，還有燘鍋，配料都有好多款，仲有多款特式小食😄，最後因為想食辣🌶所以選了麻辣牛肉鍋，其實見到燘鍋都好吸引，好多花款👍下次黎應該會試！等左一陣牛肉鍋黎啦，即刻食得。
個汁好香辣，西冷片同牛仔骨鋪滿整個鍋，肉嫩有肉汁，加上辣汁，真係好開胃。食晒牛肉我地都點了配料：萵筍和少有的鮮淮山，蔬菜新鮮可以清一清味覺；走地雞塊非常底食，$68大概有半隻雞，雞肉好有鮮味，靚貸唔係雪藏雞；手工鵝肝蝦丸手工松露墨魚丸，蝦滑鮮味彈牙鵝肝味濃非常之夾味，墨魚丸松露味突出，喜歡松露嘅朋友一定要試喇。餐廳仲有提供許留山嘅飲品甜品，咁梗係叫杯芒椰奶西同芒椰蘆薈爽啦，童年回憶🤣🤣，唔洗排隊👍解辣又好味😂😂。