影片
更多
2021-07-13
3425 瀏覽
向來都好鍾意食泰國野，隨左係返工個頭不斷搵，隨左係返工個頭不斷搵泰國餐廳，仲有試過香港既泰國九龍城既泰國菜，今次反而係唔多泰國菜既銅鑼灣搵到。今次呢間餐廳Siam 28，見到個名已經好親切，即刻諗起曼谷既暹羅廣場，令人好掛住泰國，。今次喺銅鑼灣食嘢，苦惱緊食咩嗰時，喺泰國菜同日本菜中間揀咗呢一間，銅鑼灣成日食日本嘢，第一次試泰國嘢，尤其係呢一座澳門逸園中心，入面九成都係日本餐廳，呢間Siam 28係唯一一間泰國菜，28意思就係佢係28樓，食得太多日本野既人，開胃既泰國菜係呢一刻好吸引。當日係星期六夜晚八點幾上去，但發覺人唔算好多，可能坐唔夠一半，唔知平時午市晚市係咪都係咁小人。餐廳裝潢時尚，一出lift門映入眼簾既係色彩繽紛既瓦磚牆身，再加上一個燈箱招牌，非常奪目。餐廳內以綠白色為主調，地下用上彩色階磚，入面設計較清新，最引人注目既係邊邊既落地玻璃窗，可以包攬銅鑼灣繁華既街景 地方唔算大，大約有十張四至六人位，但座位寬敞舒適，枱同枱之間距離適中，夜晚入面既位會暗啲，窗邊位燈光較光，幾有氣氛。餐廳既菜式好多樣化，睇過MENU，曼谷菜同泰北菜既選擇都係琳瑯滿目，而且有大大張菜式相片，菜式上
今次喺銅鑼灣食嘢，苦惱緊食咩嗰時，喺泰國菜同日本菜中間揀咗呢一間，銅鑼灣成日食日本嘢，第一次試泰國嘢，尤其係呢一座澳門逸園中心，入面九成都係日本餐廳，呢間Siam 28係唯一一間泰國菜，28意思就係佢係28樓，食得太多日本野既人，開胃既泰國菜係呢一刻好吸引。
當日係星期六夜晚八點幾上去，但發覺人唔算好多，可能坐唔夠一半，唔知平時午市晚市係咪都係咁小人。
餐廳裝潢時尚，一出lift門映入眼簾既係色彩繽紛既瓦磚牆身，再加上一個燈箱招牌，非常奪目。餐廳內以綠白色為主調，地下用上彩色階磚，入面設計較清新，最引人注目既係邊邊既落地玻璃窗，可以包攬銅鑼灣繁華既街景 地方唔算大，大約有十張四至六人位，但座位寬敞舒適，枱同枱之間距離適中，夜晚入面既位會暗啲，窗邊位燈光較光，幾有氣氛。
餐廳既菜式好多樣化，睇過MENU，曼谷菜同泰北菜既選擇都係琳瑯滿目，而且有大大張菜式相片，菜式上有泰小碟、湯類、海鮮、咖喱、肉類、蔬菜、粉麵飯、火鍋、甜品同飲品。
雖然我係黎食晚餐，不過見到佢個午市套餐非常抵食，就算公眾假期都有同一個Lunch Menu，可以一次過試哂啲熱門菜色，午市套餐包湯品、主菜同飲品，另外可以加$20加配兩款小碟既泰式小食，加錢仲可以試到佢既煎芒果糯米飯，主菜價錢由62到98，加埋小食甜品都係100多啲，抵食又豐富。
-
1️⃣ 冬蔭公 💰109（👅: 8.5/10）
冬蔭公
$109
35 瀏覽
1 讚好
0 留言
上枱時會用鐵煲上，之後會點着小燭台去保溫，雖然個樣睇落好細煲，但其實可以到五、六碗，上枱後店員會細心幫手分碗。
冬陰功主要用香茅、南薑、紅辣椒去提味，聞落好香，睇落鮮橙色，飲落酸辣，酸味會比較重，辣就唔算好辣，而且飲落椰奶味比較重，比較適合香港人嘅口味，有少少甜同奶味，幾開胃惹味，無太多辣油，所以飲落唔算太嗆喉，唔油膩，非常過癮，會一啖接一啖。
配料有唔小草菇、蕃茄仔、香茅同大蝦，絕對足料，唔係剩係得湯，如果辣度再多啲會更好。
-
2️⃣ 炒鮮蝦金邊粉 💰122（👅: 8/10）
炒鮮蝦金邊粉
$122
43 瀏覽
1 讚好
0 留言
金邊粉外觀上係用一個格仔蛋網包住，賣相非常吸引，不過略嫌佢既蛋香味未夠突出。
金邊粉食落軟糯香甜，蕃茄味幾突出，已經沾滿左喺每一條粉上面，酸酸甜甜好惹味，帶小小辣味，質地比較濕潤，唔會太乾身，有小小鑊氣，加上芽菜、花生、辣粉同青檸汁，食落開胃。
配料有三隻蝦，已經去殼，大小正常，食落新鮮，咬落爽口彈牙，呢個價錢黎講唔算平既金邊粉。
-
3️⃣ 芒果煎糯米飯 💰89（👅: 8.5/10）
芒果煎糯米飯
$89
32 瀏覽
1 讚好
0 留言
呢個芒果煎糯米飯唔多唔小係吸引我黎既原因，同平時既芒果糯米飯唔同，佢係將糯米飯整成壓成一塊塊餅狀再煎香，加蛋煎到金黃色，再提供煉奶比你淋上去。
糯米飯外層煎過黎，面層金黃色，所以會有米香，咬落微脆，入面係煙韌軟糯，食落會有啲似煎年糕，幾香口，暖暖地帶小小溫度，比一般糯米飯無咁膩，點椰漿食，椰漿夠香，味道非常之夾，如果可以再煎脆啲會更好。
而芒果雖然唔係當造，不過食落唔酸，幾鮮甜。
-
🌟味道上我覺得係合格以上嘅泰國菜，冬蔭公至少好飲過唔少餐廳，辣味酸味並存，價錢算中價，而且勝在環境好好，如果坐窗邊位可以望住銅鑼灣嘅城市景食飯，夜晚都幾有氣氛。
店員服務滿意，有禮貌，入到餐廳會主動提供密實膠袋用黎裝口罩，見到食客飲完水會即刻過黎斟，會留意用餐進度，唔會一次過將所有菜上哂，唔會趕時間叫你走，走個時會主動提供酒精搓手液。特別一提呢一間係良心小店，當晚當晚可能係敏感日子，銅鑼灣有好多警察，見到店員個電話有睇緊直播，臨走嗰時仲俾咗張單俾我，話俾人問到都有單解釋點解係附近，服務真係非常細心，而且係黃到金，絕對值得我幫襯第二次。
-
👅味道: 8/10
🍴環境: 7.5/10
💰消費: $160pp (服務費: 10%)
張貼
